रुख चुनाव चिन्हमा मतदान गर्न कोइरालाको अपील

नेपालगन्ज ४ फागुन : बाँके, प्रतिनिधि सभा क्षेत्र नम्बर–२ मा नेपाली काँग्रेसका युवा उम्मेदवार शुधान्सु कोइरालाले सुझबुझका साथ रुख चुनाव चिन्हमा मतदान गर्न सबैलाई अपील गरेका छन् ।

बाँकेको क्षेत्र नम्बर–२ अन्तरगत नेपालगन्ज उपमहानगरपालिका वडा नम्बर–२१ मा प्रचार–प्रसार कार्यालय उद्घाटन कार्यक्रमलाई सोमबार (आज) सम्बोधन गर्दै उनले चुनावमा जात, धर्म, छिमेकी र नाता सम्बन्धका आधारमा मतदान नगर्न आग्रह गरे ।

यो पनि युवा उम्मेदवार कोइरालालाई ब्रम्हाकुमारी दुर्गा दिदीको आर्शिवाद

‘यो चुनावमा गलत मान्छेलाई चुन्नु भयो भने पाँच वर्षसम्म पछुताउनुपर्ने हुन्छ,’ कोइरालाले भने, ‘यो बेला नेताहरुको अनुहार राम्ररी हेरेर सुझबुझका साथ आफ्नो बहुमूल्य मतदानलाई प्रयोग गर्नुहोला ।’ देशमा राजनीतिक क्रान्ति भइसकेकाले अब आर्थिक क्रान्ति गर्नुपर्ने आवश्यकता रहेकोमा उनले जोड दिए । कोइरालाले अगाडि थपे, ‘अब आर्थिक क्रान्ति गरेर देश र जनताको आर्थिक स्तर माथि उठाउनुपर्नेछ ।’

२००७ सालदेखि अहिलेसम्म मुलुकको हरेक परिवर्तनमा नेपाली काँग्रेसले नेतृत्व गर्दै आएको र गत भदौ २३ र २४ गते भएको जेनजी आन्दोलनपछि पनि नेपाली काँग्रेसले अरु दल भन्दा अगाडि आफूलाई परिवर्तन गरेको दाबी गरे । 

यो पनि  शुधान्सु कोइरालालाई निर्वाचित गराउन काँग्रेसप्रति बढ्यो आर्कषण

‘भर्खरै जेनजी आन्दोलन भयो, हाम्रा कलिला नानीबाबुहरुले सहादत प्राप्त गर्नुभयो, केही दलले आफूलाई जेन–जीको प्रतिनिधित्व गरेको भनेर युवाहरुलाई भ्रममा पार्ने काम गरे,’ उनले भने, ‘नेपाली काँग्रेसले नेतृत्व परिवर्तन मात्र होइन, आफ्नो नीतिमा पनि परिवर्तन ल्याएको छ ।’ नेपाली काँग्रेसले परिवर्तन स्वरुप यो निर्वाचनका लागि आफू जस्ता १ सय ६ जना नयाँ युवालाई उम्मेदवार बनाएको जानकारी दिए ।

यो पनि जनतामा उत्साह छ, जितको नजिक पुगिसकेका छौं : शुधान्सु कोइराला 

यो पनि काँग्रेस उम्मेदवार शुधान्सु कोइरालाद्वारा घरदैलो अभियान तीब्र, मतदाताका समस्या बुझ्दै 

बाँकेको क्षेत्र नम्बर– ३ का बासिन्दाले सुशील कोइरालालाई निर्वाचित गराएर पठाएकाले बाँकेमा विकासका कामहरु धेरै भएको उनको भनाई छ । ‘नेपालगन्जमा हामीले जति पनि विकास देखिरहेका छौं, यसमा स्वर्गीय सुशील कोइरालाको योगदान छ, उहाँले विकास मात्रै गर्नु भएन, देशलाई संबिधान पनि दिनुभयो ।’ आफूले नेपाली काँग्रेसको शाखलाई तल झुक्न नदिने उम्मेदवार कोइरालाले वाचा गरे । 

नेपाली काँग्रेस नेपालगन्ज उपमहानगरपालिका वडा नम्बर–२१ का सभापति सतिशकुमार सोनीको सभापतित्वमा सम्पन्न भएको उक्त कार्यक्रममा काँग्रेस नेता एवम् वडा नम्बर–२१ का वडा अध्यक्ष राजकुमार साहु, काँग्रेस नेता एवम् नेपाल तरुण दल बाँकेका अध्यक्ष बीरेन्द्र शाह, काँग्रेस नेता पुरन सिंह ठकुरी, विजय मल्ल लगायतले बोलेका थिए ।

यसैबीच नेपालगन्ज उपमहानगरपालिका वडा नम्बर– २२ मा सोमबार नै आयोजित प्रचार–प्रसार कार्यालय उद्घाटन कार्यक्रमलाई सम्बोधन गर्दै बाँके क्षेत्र नम्बर–२ का काँग्रेस उम्मेदवार कोइरालाले वडा–वडामा देखिएको उत्साहले काँग्रेस जित नजिक पुगिसकेको बताए ।

‘हजुरहरुको यति ठूलो उपस्थितिले नेपालगन्ज–२२ बाट नेपाली कांग्रेसले आफ्नो झण्डा फहराइसकेको छ, हामी जित नजिक पुगिसकेका छौं,’ उनले भने, ‘कतिपयले युवा साथीहरुलाई सामाजिक सञ्जालमार्फत भ्रममा पार्ने काम गरिरहेका छन्, कोही पनि भ्रममा नपर्नुहोला ।’ 

काँग्रेसले सधैंभरी परिवर्तनको लागि लडाइँ लड्दै आएको प्रष्ट्याउँदै उनले जेनजी आन्दोलनपछि युवाको भावनालाई समेटेर काँग्रेसले आफूलाई परिवर्तन गरिसकेको बताए । काँग्रेसले देशका लागि गरेको योगदानका बारेमा युवाहरुलाई बुझाउन जरुरी रहेको उनले प्रष्ट्याए । स्वर्गीय सुशिल कोइरालाको क्षेत्रमा आफूलाई नेपाली काँग्रेसको उम्मेदवारका रुपमा प्रस्तुत गरेको उल्लेख गर्दै कोइरालाले आफू नेता नभई सेवक बनेर काम गर्न आएको बताए ।

उक्त कार्यक्रममा नेपाली काँग्रेसका महासमिति सदस्य एवम् डुडुवा गाउँपालिका अध्यक्ष नरेन्द्र कुमार चौधरीले विगतका निर्वाचन भन्दा यस पटकको निर्वाचन निकै महत्वपूर्ण र संवेदनशील रहेको बताए । 

‘यो चुनावमा सोच बिचार गरेर मात्र मतदान गर्नुहोला, कसैको बहकाउमा नलाग्नुहोला,’ उनले भने, ‘तपाईंहरुलाई कोही भ्रममा पार्न आउलान् ।’ बाँकेको विकासमा पूर्व प्रधानमन्त्री एवम् नेपाली काँग्रेसका पूर्व सभापति स्वर्गी सुशिल कोइरालाको महत्वपूर्ण योगदान रहेको उनले बताए । 

यो पनि जनताको विश्वास टुट्न दिने छैनः सुधान्शु कोइराला 

यो पनि  हरेक कालखण्डमा काँग्रेसको भूमिका परिर्वतनकारी छ : शुधान्सु कोइराला 

यो पनि मतदाताको घरघर पुगेर शुधान्सु कोइरालाको स्पष्टोक्ती, ‘झुटो आश्वासन बाँड्न जनताको घरदैलोमा आएको छैन’

यो पनि शुधान्सुको बाचा : ‘काँग्रेसले कुनैपनि धर्म, समुदायमाथी विभेद गर्दैन’

यो पनि जेनजी आन्दोलनपछि आफ्नो नीति र नेतृत्व परिवर्तन गर्ने पहिलो पार्टी नै नेपाली काँग्रेस हो : उम्मेदवार कोइराला 

स्वर्गीय कोइरालाले गरेको कामलाई आफूले गरेको भनेर केहीले भ्रामक प्रचार गरिरहेको चौधरीले बताए । स्वर्गीय सुशील कोइरालाकै भतिज शुधान्सु कोइराला अहिले बाँकेको क्षेत्र नम्बर–२ मा उम्मेदवार रहेकाले रुख चिन्हमा मतदान गरेर जिताउन सबैलाई अनुरोध गरे ।

नेपाली काँग्रेस नेपालगन्ज उपमहानगरपालिका वडा नम्बर २२ का वडा सभापति बिद्याराम बर्माको सभापतित्वमा सम्पन्न भएको प्रचार–प्रसार कार्यालय उद्घाटन कार्यक्रममा पार्टीका महासमिति सदस्य राजकुमार बर्मा, निजामुद्धिन अन्सारी ‘छोट्कौ’, पूर्व उपमेयर एवम् महासमिति सदस्य उमा थापा मगर लगायतले उम्मेदवार कोइरालालाई जितको अग्रिम शुभकामना दिएका थिए । 

कोइरालाले सोमबार नै डुडुवा– १ होलिया, नेपालगञ्ज वडा नम्बर–२३ लगायतका स्थानमा प्रचारप्रसार कार्यालय उद्घाटन, भेटघाट गर्नुका साथै वडा स्तरीय भेलालाई सम्बोधन समेत गरेका छन् ।

यो पनि त्रिभुवन चोकमा काँग्रेसको प्रचारप्रसार समिति स्थापना 

यो पनि प्रतिनिधिसभा सदस्य निर्वाचनः बाँकेमा तयारी तीव्र, ३ लाख ५० हजारभन्दा बढी मतदाता 

यो पनि बाँकेमा १३९ मतदानस्थलमध्ये ६१ मतदानस्थल संवेदनशील

यो पनि बाँकेका तीन क्षेत्रमा क–कसले दिए उम्मेदवारी (नामावली सहित) 

यो पनि बाँकेमा हातहतियार बुझाउन १५ दिने समय सीमा