खडैचामा उम्मेदवार बिष्टसको घरदैलो, स्थानीय उत्साहित

| राजनीति | नेपाखबर
११ फागुन २०८२, सोमवार
नेपाखबर

नेपालगन्ज ११ फागुन : बाँके क्षेत्र नम्बर–२ बाट प्रतिनिधि सभा सदस्य पदका उम्मेदवार दिपेन्द्र बिष्टले घरदैलो तीव्र बनाएकाछन् ।

नेपाली कम्युनिस्ट पार्टी (लुम्बिनी प्रदेश) सचिवालय सदस्य डिल्ली बराल (अमिर) सहित स्थानीय नेता तथा कार्यकर्ताहरूको सहभागितामा डुडुवा गाउँपालिका वडा नं. १ अन्तर्गत खडैचा गाउँमा घरदैलो गरिएको हो ।

खडैचाका टोल–टोलमा पुगेर उम्मेदवार बिष्टले स्थानीय बासिन्दासँग प्रत्यक्ष संवाद गरे । कृषि, सिँचाइ, सडक, शिक्षा, स्वास्थ्य र युवालाई रोजगारी सिर्जनाजस्ता विषयमा स्थानीयले आफ्ना समस्या राखेका थिए। बिष्टले ती विषयलाई प्राथमिकताका साथ सम्बोधन गर्ने प्रतिबद्धता व्यक्त गर्दै विकासलाई व्यवहारमा उतार्ने अठोट दोहोर्याए ।

यो पनि नेकपाका उम्मेदवार बिष्टको मोहनपुर फारममा घरदैलो

कार्यक्रममा बोल्दै डिल्ली बराल (अमिर) ले क्षेत्रको समग्र विकासका लागि एकीकृत प्रयास आवश्यक रहेको उल्लेख गरे । उनले जनताको सक्रिय सहभागिताले मात्र समृद्धिको आधार तयार हुने धारणा राखे ।

यो पनि जनताको घरदैलोमा दिपेन्द्र बिष्टः भ्रष्टाचारविरुद्ध आवाज र विश्वासको प्रतिबद्धता

घरदैलोका क्रममा देखिएको उत्साहले खडैचामा चुनावी माहोल थप सक्रिय बनेको सहभागीहरूको भनाइ छ। महिला, युवा र ज्येष्ठ नागरिकको सहभागिताले कार्यक्रमलाई जीवित बनाएको थियो। “हामीलाई सुन्ने नेतृत्व चाहिएको हो,” एक स्थानीयको प्रतिक्रिया थियो।

यो पनि हरियो नेपालगञ्ज बनाउने दिपेन्द्र विष्टको प्रतिबद्धता