स्थानीयका सवाल सुन्दै विष्टले बढाए चुनावी प्रचारलाई तीब्रता
नेपालगन्ज १ फाल्गुन : प्रतिनिधि सभा सदस्य पदका उम्मेदवार दिपेन्द्र बिष्टले चुनावी प्रचारप्रसारलाई तीव्रता दिएका छन् ।
नेपाली कम्युनिष्ट पार्टीका तर्फबाट बाँके क्षेत्र नं. २ का उम्मेदवार बनेका बिष्टले चुनावी प्रचारप्रसार अन्तर्गत शुक्रबार डुडुवाका गाउँ–टोलमा पुगे ।
स्थानीयले वर्षौंदेखि झेल्दै आएका नाला, बाटो, बाढी तथा डुबान, सिँचाइको अभाव, मलखादको समस्या लगायतका पीडा विष्टसामु खुलेर राखे । खेतबारी डुबानमा परेर उत्पादन घटेको, वर्षायाममा आवतजावत नै कठिन हुने अवस्था र समयमा मलखाद नपाउँदा किसान मारमा परेको गुनासो स्थानीयले सुनाए ।
स्थानीयको समस्या ध्यानपूर्वक सुनेपछि बिष्टले आफू निर्वाचित भए यी विषयलाई प्राथमिकतामा राखेर समाधानका लागि निरन्तर पहल गर्ने प्रतिबद्धता जनाए ।
“डुडुवाको विकास बिना बाँके–२ को समग्र समृद्धि सम्भव छैन,” उनले भने, “म यहाँको नालाबाटो व्यवस्थापन, दीर्घकालीन बाढी नियन्त्रण योजना, प्रभावकारी सिँचाइ संरचना र किसानलाई समयमै मलखाद उपलब्ध गराउने विषयमा स्पष्ट योजना लिएर आएको छु ।”
यो पनि डुडुवामा दिपेन्द्रले बढाए चुनावी गतिविधि
डुडुवाका स्थानीय बासिन्दा महेश यादव भन्छन्, “हामीलाई आश्वासन होइन, काम चाहिएको छ ।” बिष्टले पनि यसपटकको निर्वाचनलाई सेवा र समर्पणको अवसरका रूपमा लिने बताएका छन् ।
यो पनि मतदाता फकाउन खेतदेखि टोलसम्म बिष्टको संवाद
चुनावी अभियान तीव्र बन्दै जाँदा बाँके क्षेत्र नं. २ मा दिपेन्द्र बिष्टको पक्षमा देखिएको उत्साह र सक्रियता आगामी परिणामतर्फ संकेत गरेको विष्टले बताए ।
यो पनि मतदातासँग बिष्टको जनसंवाद : समयमै समस्या समाधान गर्ने दृढ प्रतिबद्धता
Comment
0 Comments