‘रेड जोन’मा नेपालगन्जको मालपोत र आन्तरिक राजश्व कार्यालय
- | अर्थ | नेपाखबर | अपराध–घटना
- ९ असोज २०८२, बिहिवार
- नेपाखबर
नेपालगन्ज ९ असोज : गत भदौ २४ गते जेनजी आन्दोलनका क्रममा आगजनी र तोडफोड भएका मालपोत र आन्तरिक राजश्व कार्यालय, नेपालगन्जको भवन अब प्रयोगयोग्य नरहेको प्राविधिक अध्ययनले देखाएको छ ।
यो पनि जेनजी आन्दोलन: बाँके सिडियो कार्यालयसहितका सरकारी कार्यालय जलाइयो
करोडौंको लागतमा एक दशकअघि निर्माण गरिएका यी भवनलाई अब भत्काएर नयाँ बनाउनुपर्ने स्थिति आएको हो ।
यो पनि जेनजी आन्दोलन : बाँकेमा १० अर्ब बढीको क्षती
प्राविधिक टोलीका इन्जिनियर विवेक लामिछानेका अनुसार यी दुबै भवन ‘रेड जोन’ मा परेका छन्, जसमा कार्य सञ्चालन वा बस्न मिल्दैन । लामिछानेको टोलीले आन्दोलनका क्रममा क्षतिग्रस्त अन्य सरकारी कार्यालयको पनि अध्ययन गरिरहेको छ ।
यो पनि बाँके जिल्लाभर ‘निषेधित क्षेत्र’ घोषणा, पाँच जना भन्दा बढी भेला हुन नपाइने
जेनजी आन्दोलनका क्रममा जिल्ला प्रशासन, मालपोत, जिल्ला तथा उच्च अदालत, यातायात, आन्तरिक राजश्व, राजश्व कार्यालय, नेपालगन्ज उपमहानगरपालिका, कोहलपुर नगरपालिका, कोहलपुरका मेयरको निवाससहित एमाले र काँग्रेस पार्टी कार्यालयमा समेत तोडफोड, आगजनी र लुटपाट भएको थियो ।
यो पनि नेपालगन्ज उपमहानगरपालिकाले आईतबारदेखि सामान्य सेवा दिदैँ
हाल आन्दोलनका क्रममा भएको क्षतिको विस्तृत विवरण निकाल्ने काम भइरहेको छ । जनताको सेवा–सुविधासँग प्रत्यक्ष जोडिएका कार्यालयमा आगजनी र लुटपाट हुँदा अधिकांश कार्यालयको काम अवरुद्ध भएको छ भने केहीले मात्र सिमित सेवा दिइरहेका छन् ।
यो पनि जेनजी आन्दोलनमा जलेको भग्नाबेसबाट सेवा सञ्चालनको तयारी
मालपोत कार्यालय भवन प्रयोगयोग्य नहुँदा अन्यत्र स्थानान्तरण गरी सेवा दिने तयारी भइरहेको छ । कार्यालय बन्द हुँदा बैंक लगायतका विभिन्न निकायलाई पनि सेवा प्रवाहमा प्रत्यक्ष असर परेको छ ।
यो पनि लुटपाटका सामान तत्काल फिर्ता गर्न नेपालगन्ज उपमहानगरपालिकाको आह्वान
यो पनि जेनजी आन्दोलन : बाँकेमा तीन सयभन्दा बढी सवारी साधन नष्ट
यो पनि मुख्यमन्त्री आचार्यद्वारा बाँकेका आगलागी कार्यालयको अनुगमन
Comment
0 Comments