वैदेशिक रोजगार ठगीका दुई आरोपी भारतबाट पक्राउ
- | नेपाखबर | अपराध–घटना
- ९ भदौ २०८१, आइतवार
- नेपाखबर
नेपालगन्ज ९ भदौ : वैदेशिक रोजगार ठगीका दुई आरोपीलाई भारतको दिल्लीबाट प्रहरीले पक्राउ गरेको छ ।
पक्राउ पर्नेमा दाङ लमही नगरपालिका–४ का देव सुनार र सोही ठाउँ बस्ने भीमकुमार सुनार रहेका छन् ।
काठमाडौं उपत्यका अपराध अनुसन्धान कार्यालयले सुनारद्वयलाई भारतको दिल्लीबाट पक्राउ गरी कञ्चनपुर हुँदै काठमाडौं ल्याएको हो ।
प्रहरीका अनुसार युरोपेली मुलुकमा लैजाने भनेर सर्वसाधारणसँग एक करोड रुपैयाँभन्दा बढी रकम उठाएर यी दुई फरार भएका थिए ।
वैदेशिक रोजगार विभागको पत्रअनुसार उनीहरूलाई पक्राउ गरिएको अनुसन्धान कार्यालयका प्रमुख सानुराम भट्टराईले जानकारी दिए ।
Comment
0 Comments