न्यूरोडका ग्रिन बेल्टमा ३० वटा बगम बेली विरुवा रोपियो
- | नेपाखबर | स्वास्थ्य
- २३ जेठ २०८२, बिहिवार
- नेपाखबर
नेपालगन्ज २२ जेठ : लामो समयदेखि निस्कृय रहेको क्लिन नेपालगन्ज, ग्रिन नेपालगन्ज अभियान पुनः सुरु गरिएकोछ । विश्व वातावरण दिवसका अवसरमा नेपालगन्जस्थि न्यूरोडका ग्रिनबेल्टमा बृक्षारोपण गरेर पुनः क्लिन नेपालगन्ज, ग्रिन नेपालगन्ज अभियान सुरु गरिएको हो ।
न्यूरोडका ग्रिनबेल्टमा बगम बेलीका विरुवा रोप्दै बिहीबार उक्त अभियानको पुनः सुरुवात गरिएको हो । क्लिन नेपालगन्ज, ग्रिन नेपालगन्जका अभियान्ता डाक्टर विनोद कर्ण, डाक्टर सुरेश कनोडिया र ग्रेस रौनियार कनोडियाले संयुक्तरुपमा बगम बेलीको विरुवा रोपेका हुन् ।
सो अभियानलाई सार्थकता दिनका लागि ग्रेस रौनियार कनोडियाले ५० वटा बगम बेलीका विरुवा उपलब्ध गराएको अभियन्ता डाक्टर कर्णले बताए ।
डाक्टर कर्णले यसअघि रोकिएको सातब्यापी सरसफाई अभियान बर्खा सकिएलगत्त पुनः सुरु गरिने समेत बताए । उनले प्राप्त फूलका विरुवामध्ये ३० वटा बागेश्वरी मन्दिरको पूर्व गेट नजिकदेखि भानुभक्त चोकसम्म न्यूरोडको ग्रिनबेल्टमा बगम बेलीका विरुवा रोपिने र बाँकी रहेका सुर्खेतरोडका विभिन्न स्थानमा रोपिनेछ ।
विरुवा रोप्नु अघि अभियानका अभियन्ता डाक्टर विनोद कर्ण, डाक्टर सुरेस कनोडिया, डाक्टर जोसन न्यौपाने, कृष्णप्रसाद श्रेष्ठ तथा बगम बेली फूलका विरुवा उपलब्ध गराउने ग्रेस रौनियार कनोडियाले आफ्ना धारणा राखेका थिए ।
Comment
0 Comments