मुस्लिम समुदायका महिलाहरुलाई प्रजनन स्वास्थ्य सम्वन्धी तालिम
- | नेपाखबर | स्वास्थ्य
- २१ वैशाख २०८२, आइतवार
- नेपाखबर
नेपालगन्ज २१ वैशाख : मुस्लिम समुदायका महिलाहरुलाई प्रजनन स्वास्थ्य सम्वन्धी तालिम नेपागन्जमा शुरु भएको छ ।
लुम्बिनी प्रदेश सरकार स्वास्थ्य मन्त्रालयको आर्थिक सहयोग,जिल्ला स्वास्थ्य कार्यालय बाँकेको आयोजना तथा नेपालगन्ज उपमहानगरपालिका वडा नम्बर–१ को समन्वयमा शुरु भएको तालिम तीन दिन सम्म चल्ले छ ।
तालिमको उद्घाटन गर्दे जिल्ला स्वास्थ्य कार्यालय बाँकेका निमिक्त कार्यालय प्रमुख नरेशबाबू श्रेष्ठले यस तालिमले प्रजनन स्वास्थ्यबारेको बुझाई थप स्पष्ट हुनुका साथै जिवनउपयोगी हुने बताए ।
कार्यक्रममा नेपालगन्ज उपमहानगरपालिका वडा नम्बर–१ का वडाअध्यक्ष प्रमोद रिजालले प्रजनन स्वास्थ्यबारे सबै जानकार हुनैपर्ने बिषय भएकाले यो बिषयलाई समेटिएको बताए । उनले आमामी दिनमा पनि यस्ता किसिमका तालिमहरु सञ्चालन हुन आवश्यक रहेको बताए ।
लुम्बिनी प्रदेशका सांसद मिना श्रेष्ठको संयोजनमा आयोजित तालिममा नेपालगन्ज उपमहानगरपालिकाका वडा नम्बर–१ का १९ देखी ४० बर्ष उमेर समुहका ३० जना मुस्लिम समुदायका महिलाहरुको सहभागिता रहेको छ । प्रजनन स्वास्थ्यका बारेमा जानकारी गराईसकेपछि सीपमूलक तालिमपनि प्रदान गर्ने योजना रहेको सांसद श्रष्ठले बताइन् ।
तालिमको सहजिकरण स्वास्थ्य कार्यालय बाँकेका मलेरीया इन्सपेक्टर निरीक्षक दुर्गा गौतम ,पब्लिक हेल्थ नर्श बिष्णु श्रेष्ठ र नेपालगन्ज उपमहानगरपालिकाका सिनीयर अनमी निर्मला खनालले गरीरहेकी छन् ।
Comment
0 Comments